خوشبوؤں کے شہر پیرس میں لطافہ پرفیومز کی شاندار لانچنگ تقریب دریائے سین کے کنارے نئی خوشبوؤں کی دلکش نمائش،
فرانس اور یورپ بھر میں مارکیٹنگ کا عزم۔ لطافہ اور ایکسلینس کا مشترکہ اعلامیہ
عالمی شہرت یافتہ پرفیوم برانڈ لطافہ پرفیومز نے ایکسلینس Excellence گروپ کے اشتراک سے فرانس کے دارالحکومت پیرس میں اپنی نئی اور منفرد خوشبوؤں کی شاندار رونمائی کر دی۔ دریائے سین میں ایفل ٹاور کے سائے تلے ایک بڑی کشتی پر منعقد ہونے والی اس پروقار تقریب میں فرانسیسی، عرب، پاکستانی اور دیگر ممالک سے تعلق رکھنے والی نمایاں شخصیات، معروف سوشل میڈیا انفلوئنسرز، فیشن اور گلیمر انڈسٹری کے نمائندوں سمیت بڑی تعداد میں مہمانوں نے شرکت کی۔
تقریب میں خوشبوؤں کے دلکش اسٹالز، لائیو ڈیمونسٹریشنز اور مہمانوں کے لیے خصوصی ریفریشمنٹس کا اہتمام کیا گیا، جس نے اس یادگار شام کو مزید رنگین اور پُرکشش بنا دیا۔ شرکاء نے تقریب کی منفرد ترتیب اور اعلیٰ معیار کے انتظامات کو بے حد سراہا۔
پیرس کی معروف کاروباری شخصیت چوہدری حمید اللہ اور ان کے صاحبزادگان چوہدری عبدالقادر اور چوہدری عثمان نے اپنے کاروباری دائرہ کار کو وسعت دیتے ہوئے فرانس میں لطافہ پرفیومز کے باضابطہ تعارف کے لیے اس منفرد تقریب کا انعقاد کیا۔ اس موقع پر لطافہ پرفیومز کے بانی شیخ شاہد احمد اور ان کے صاحبزادے کا پرتپاک استقبال کیا گیا اور مہمانوں کو خوش آمدید کہا گیا۔
تقریب سے خطاب کرتے ہوئے مقررین نے کہا کہ فرانس جیسے عالمی ثقافتی اور فیشن مرکز میں نئی خوشبوؤں کی لانچنگ لطافہ پرفیومز کے لیے ایک اہم سنگِ میل ہے، جو برانڈ کے معیار، جدت اور عالمی توسیع کے عزم کی عکاسی کرتا ہے۔
لانچ کی جانے والی نئی خوشبوؤں میں Khamrah Dukhan خصوصی توجہ کا مرکز رہی۔ یہ خوشبو گرم مصالحہ دار نوٹس اور دھواں دار خوشبوؤں کے دلکش امتزاج سے تیار کی گئی ہے، جو عنبر کی گہری خوشبو کے ساتھ مل کر ایک باوقار اور پُراثر شخصیت کا احساس دلاتی ہے۔
اسی طرح Khamrah Waha اپنی منفرد ساخت اور جدید خوشبوئی امتزاج کے باعث نمایاں رہی۔ جونیپر کی تازگی، اٹلی کے قدرتی کھیرے کے ہلکے لمس، آئرس کی لطافت اور اکِگالا وُڈ کی گہرائی اس خوشبو کو ایک منفرد اور دیرپا شناخت عطا کرتی ہے۔
لطافہ کی مقبول سیریز Ana Abiyedh Scarlet بھی اپنی شیریں اور دلکش خوشبو کے باعث حاضرین کی توجہ حاصل کرنے میں کامیاب رہی۔ بلیک چیری، پنک پیپر، سفید گلاب اور پیونی کے خوشبودار امتزاج کے ساتھ ونیلا، کیریمل اور پیچولی کی نرم و گرم خوشبو اسے خاص بناتی ہے۔
دوسری جانب Ana Abiyedh Rouge ایک نفیس یونیسیکس خوشبو کے طور پر متعارف کرائی گئی، جس میں ناشپاتی، کمکواٹ اور برگاموٹ کی تازگی کے ساتھ کیریمل، جیرینیم، عنبر، مسک اور اوک موس کی خوشبوئیں ایک یادگار تاثر چھوڑتی ہیں۔
میڈیا سے گفتگو کرتے ہوئے چوہدری عبدالقادر نے بتایا کہ لطافہ پرفیومز کو جلد ہی فرانس کے دیگر بڑے شہروں اور معروف شاپنگ مالز میں بھی متعارف کرایا جائے گا تاکہ خوشبو کے شائقین تک عالمی معیار کی مصنوعات براہِ راست پہنچائی جا سکیں۔
انہوں نے کہا کہ یورپی مارکیٹ میں مشرقی خوشبوؤں کی بڑھتی ہوئی مقبولیت برانڈز کے لیے نئے مواقع پیدا کر رہی ہے اور لطافہ پرفیومز اس بڑھتی ہوئی طلب کو پورا کرنے کے لیے پُرعزم ہے۔
تقریب کے اختتام پر شرکاء نے منتظمین کو کامیاب اور شاندار ایونٹ کے انعقاد پر مبارکباد پیش کی۔ ماہرین کے مطابق یورپ میں مشرقی طرز کی خوشبوؤں کی بڑھتی ہوئی طلب لطافہ پرفیومز کے لیے نئی کامیابیوں کے دروازے کھول سکتی ہے، جبکہ برانڈ کی یہ نئی پیشکشیں عالمی مارکیٹ میں اس کے دائرۂ کار کو مزید وسعت دینے کی جانب ایک اہم قدم قرار دی جارہی ہیں۔
