پاکستان فیڈرل یونین آف جرنلسٹس (PFUJ) کا ایک وفد، جس کی قیادت اس کے صدر رانا عظیم کر رہے تھے،فرانس میں پاکستان کی سفیر ممتاز زہرا بلوچ سے ملاقات کی۔
سفیر پاکستان محترمہ ممتاز زہرا بلوچ نے صحافیوں کا خیرمقدم کرتے ہوئے کہا کہ PFUJ کا کردار نہایت ذمہ دارانہ ہے، کیونکہ صحافت کسی بھی جمہوری معاشرے کی شہ رگ ہوتی ہے۔
انہوں نے مزید کہا کہ میڈیا ملک کا مثبت تشخص اجاگر کرنے میں اہم کردار ادا کرتا ہے۔ سفیر بلوچ نے وفد کو پاکستان اور فرانس کے تعلقات کے بارے میں بریفنگ دی اور تجارت، ثقافت، تعلیم اور میڈیا کے شعبوں میں تعاون کے فروغ میں سفارت خانے کے کلیدی کردار پر روشنی ڈالی۔ انہوں نے یونیسکو کے مواصلات اور اطلاعات کے شعبے میں کردار اور اس حوالے سے پاکستان کے اقدامات سے بھی وفد کو آگاہ کیا۔
PFUJ کے صدر رانا عظیم نے سفیر کو انٹرنیشنل فیڈریشن آف جرنلسٹس (IFJ) کی صد سالہ کانگریس کے بارے میں بریفنگ دی، جس میں 5 سے 7 مئی 2026 تک 300 سے زائد صحافتی یونینز اور تنظیموں کے نمائندے شرکت کر رہے ہیں، تاکہ مضبوط صحافت اور ٹریڈ یونینزم کے لیے بین الاقوامی یکجہتی کے 100 سال مکمل ہونے کا جشن منایا جا سکے اور مستقبل کے چیلنجز سے نمٹنے کے لیے مشترکہ حکمت عملی تشکیل دی جا سکے۔
وفد نے سفیر کو PFUJ کے پانچ سالہ اسٹریٹجک پلان کے بارے میں بھی آگاہ کیا۔ اس موقع پر پاکستانی سفارتکاروں کی خدمات کو سراہا گیا، خاص طور پر گزشتہ سال بھارت کے ساتھ جنگ کے حوالے سے پاکستان کے مؤقف کو اجاگر کرنے اور مشرق وسطیٰ میں جاری تنازع کے دوران ثالثی کے لیے پاکستان کی سفارتی کوششوں پر روشنی ڈالی گئی۔
وفد کے اراکین میں شامل تھے: رانا عظیم، شکیل احمد، طارق عثمانی، جاویریہ صدیقی، جی۔ ایم۔ جمالی، عبدالرزاق سیال، صائمہ صدیقی، اسمت اللہ ہاشوانی، اشرف مجید، احتشام الحق، سید ثناء زہرا، مظہر امانت اور نمرہ نذیر شامل تھے
