پرتگال میں 22 سالہ پاکستانی نژاد نوجوان محمد عدیل کو المادا کے علاقے کاسِلیاس میں فٹبال کھیلتے ہوئے شدید تشدد کا نشانہ بنانے کے بعد ہلاک کر دیا گیا۔ اس واقعہ نے مقامی پاکستانی اور یورپی کمیونٹی میں شدید صدمے کا باعث بنا ہے۔
پولیس اور مقامی ذرائع کے مطابق جمعے کی شام کو Quintal Desportivo de Cacilhas کے فٹبال میدان میں جھگڑے کے دوران ایک حملہ آور نے تیز دھار آلے سے عدیل پر وار کیا۔ عدیل زخمی حالت میں ہسپتال منتقل کیا گیا لیکن زخموں کی تاب نہ لاتے ہوئے جان بحق ہو گئے۔
محمد عدیل تقریباً دس سال سے پرتگال میں مقیم تھے اور اپنے والد کے ساتھ وہاں کام کر رہے تھے۔ پولیس نے فوری طور پر حملہ آور کو گرفتار کر لیا ہے اور قانونی کارروائی شروع کر دی گئی ہے۔
مقامی پاکستانی کمیونٹی اور اسکولوں میں عدیل کے قتل پر گہرے دکھ اور صدمہ کا اظہار کیا گیا، اور انصاف کے لیے مطالبات سامنے آئے ہیں۔ تفتیش کار ابھی یہ جاننے کی کوشش کر رہے ہیں کہ واقعہ منصوبہ بندی کے تحت کیا گیا یا جھگڑے کا نتیجہ تھا، جبکہ خاندان کا کہنا ہے کہ عدیل کو پہلے بھی کچھ عناصر ٹریک کر رہے تھے۔
پرتگالی پولیس اور عدالتی ادارے واقعے کی تحقیقات جاری رکھے ہوئے ہیں، اور مقامی کمیونٹی نے محفوظ ماحول اور انصاف کے لیے فوری اقدامات کا مطالبہ کیا ہے۔
