گجرات تھانہ ڈنگہ پولیس کا پبی کے علاقہ میں کامیاب سر چ آپریشن،7ملزمان گرفتار،کلاشنکوف،3عددپسٹل، گولیاں اور شراب برآمد
تفصیلات کے مطابق ڈی پی او گجرات سیدغضنفر علی شاہ کی خصوصی ہدائیت پر ڈی ایس پی کھاریاں سرکل میاں محمد ریاض کی زیر نگرانی ایس ایچ او تھانہ ڈنگہ انسپکٹر سرفراز احمد،اے ایس آئی امجد، اے ایس آئی محمد عباس اور دیگر پولیس ٹیم نے پبی کے علاقہ میں کامیاب سر چ آپریشن کیا جس میں سابقہ ریکارڈ یافتہ مجرمان اشتہاریوں کی پناہ گاہوں کو بھی چیک کیا گیا۔دوران آپریشن 7ملزمان کو گرفتار کیا گیا۔
ملزمان میں 1۔ تبسم ناز عرف پپوسکنہ بھاو گھسیٹ پور 2۔ فیاض احمدسکنہ رندھیر 3۔محمد سہیل اشرف سکنہ رندھیر 4۔ وسیم سکنہ ڈنگہ 5۔ سکندر علی سکنہ ڈنگہ 6۔ جبار سکنہ ڈنگہ 7۔ کاشف رضا سکنہ ڈنگہ شامل ہیں جن کے قبضہ سے 1 عدد کلاشنکوف،3عدد پسٹل 30بور،میگزینز معہ روند اور شراب برآمدہوئی۔ ملزمان کے خلاف الگ الگ مقدمات درج کر کے مزید تفتیش کا آغاز کر دیا گیا۔
ڈی پی اوگجرات سید غضنفر علی شاہ نے کہا ہے کہ گجرات میں کوئی نو گو ایریا نہیں ہے،ضلع کو جرائم پیشہ عناصر سے پاک کرنا ہمار ی اولین ترجیح ہے۔
ترجمان گجرات پولیس
