اسلام آباد(ڈیسک نیوز )پاکستان تحریک انصاف (پی ٹی آئی) کے رکن قومی اسمبلی عطا اللہ ایڈووکیٹ نے حکومتی رہنماؤں کیلئے دھمکی آمیز بیان جاری کرتے ہوئے کہا ہے کہ عمران خان کو کچھ ہوا تو سب سے پہلے میں آپ پر خودکش حملہ کروں گا۔
رکن قومی اسمبلی عطا اللہ ایڈووکیٹ کی جانب سے جاری ویڈیو بیان میں کہا گیا ہے کہ عمران خان کےایک بال کو بھی نقصان ہوا تو ملک چلانے والے سن لیں آپ رہیں گے نا آپ کے بچے ،عطا اللہ ایڈووکیٹ نے مزید کہا کہ اگر عمران خان کو کچھ ہوا تو میں خودکش حملہ کروں گا، اس طرح اور بھی ہزاروں خودکش حملہ آور تیار ہیںآپ کیا سمجھتے ہیں کہ آپ کے ان ہتکھنڈوں کی وجہ سےپی ٹی آئی کے ورکرز ڈر جائیں گے تو یہ آپ کی بھول ہے۔یاد رہے کہ گزشتہ روز تحریک انصاف کے وائس چیئرمین شاہ محمود قریشی نے بھی ایک بیان میں کہا تھا کہ اگر حکومت نے عمران خان کو گرفتار کرنے کی کوشش کی پورے پاکستان سے سخت ردعمل آئے گا۔
2 روز قبل وزیر داخلہ رانا ثنا اللہ نے ایک بیان میں کہا تھا کہ عدالتی ضمانت ختم ہوتے ہی ان کی سیکیورٹی پر مامور اہلکار انہیں گرفتار کر لیں گے۔
