اٹلی کی پاکستانی کمیونٹی کی طرف سے پاکستان بھجوائی جانے والی ترسیلات زر میں موجودہ مالی سال کے پہلے دس ماہ کے دوران سالانہ بنیاد پر 46.5 فیصد اضافہ
تفصیلات کے مطابق اٹلی میں مقیم پاکستانیوں کی ترسیلات زرمیں جاری مالی سال کے پہلے10 ماہ میں گزشتہ مالی سال کی اسی مدت کے مقابلے میں 46.5 فیصدکی نمو ریکارڈکی گئی ہے۔
سٹیٹ بینک کی جانب سے اس حوالے سے جاری اعدادوشمارکے مطابق جولائی تا اپریل 2022اٹلی میں رہنے والے پاکستانیوں نے 711.7 ملین ڈالرکازرمبادلہ پاکستان ارسال کیاجو گزشتہ مالی سال کی اسی مدت کے مقابلے میں 46.5 فیصدزیادہ ہے، گزشتہ مالی سال کی اسی مدت میں اٹلی میں مقیم پاکستانیوں نے 485.9 ملین ڈالرکازرمبادلہ ملک ارسال کیاتھا۔
اپریل 2022 میں اٹلی سے ترسیلات زرکاحجم 72.2 ملین ڈالرریکارڈکیاگیا جومارچ میں 70.2 اورگزشتہ سال اپریل میں 52.7 ملین ڈالرتھا۔سٹیٹ بینک کی جانب سے قانونی اوربینکنگ زرائع سے ترسیلات زرکی حوصلہ افزائی کیلئے اقدامات اورسہولیات کے نتیجے میں سمندر[پارپاکستانیوں کی ترسیلات زرمیں جاری مالی سال کے دوران 7.6 فیصدکی نموریکارڈکی گئی ہے۔
