نیویارک(ڈیسک رپورٹ) امریکہ میں ایک 14سالہ طالب علم نے چاقو کی نوک پر ایک87سالہ عمر رسیدہ خاتون کو جنسی زیادتی کا نشانہ بناڈالا۔ڈیلی سٹار کے مطابق یہ واقعہ امریکی ریاست وسکانسن کے شہر واﺅکیشا میں پیش آیا جہاں ملزم خاتون کی گاڑی میں گھس گیا اور چاقو کی نوک پر اسے گاڑی میں ہی جنسی زیادتی کا نشانہ بنانے کے بعد گاڑی لے کر فرار ہو گیا۔
رپورٹ کے مطابق یہ واقعہ واﺅکیشا پبلک لائبریری کے قریب پیش آیا۔ خاتون نے پولیس کو بتایا کہ اس کے ساتھ ڈکیتی کی واردات ہوئی ہے اور ملزم جنسی حملے کے بعد گاڑی چھین کر فرار ہو گیا ہے۔ پولیس نے چند گھنٹوں میں خاتون کی گاڑی برآمد کرکے ملزم کو گرفتار کر لیا۔ پولیس کے مطابق ملزم کی کم عمری کی وجہ سے اس کا نام مخفی رکھا جا رہا ہے۔ملزم واﺅکیشا کے ایک ہائی سکول کا طالب علم تھا۔ اس واردات کے بعد اس کو سکول سے خارج کر دیا گیا ہے۔
