فرانس (حمید چوہدری سے) پاکستان فیسٹیول میلہ میں پہلی بار پیرس کائیٹ کلب کا اسٹال لگنے پر پاکستانیوں کی خوشی دیدنی تھی،دن بھر پیرس کائیٹ کلب کا اسٹال پاکستانی و غیر ملکی کمیونٹی کی توجہ کا مرکز بنا رہا،اسٹال پر لگی رنگ برنگی پتنگوں نے ہر ایک کو اپنا گرویدہ بنا دیا، پیرس کائیٹ کلب کی جانب سے شوقین افراد کو پتنگیں تحفہ میں بھی دی گئیں،، سفیر پاکستان فرانس امجد عزیز قاضی نے خصوصی طور پر پتنگوں کے اسٹال کا دورہ کیا،، پاکستانی کمیونٹی نے بھی کثیر تعداد میں پیرس کائیٹ کلب کے اسٹال کا وزٹ کیا اور پتنگوں کیساتھ تصاویر بناکر بچپن کی حسین یادوں کو تازہ کیا،،پتنگ بازی کے شوقین افراد نے فرانس میں پہلی بار پتنگوں کو دیکھ کر حیرانگی کا بھی اظہار کیا پیرس کائیٹ کلب کی ٹیم نے پتنگ بازی کے شوقین افراد کو کلب جوائن کرنے کی دعوت بھی دی، پیرس کائیٹ کلب کے کپتان محمد ساجد اور نائب کپتان عاطف چوہدری نے میڈیا سے گفتگو کرتے ہوئے بتایا کہ پاکستان فیسٹول میں اسٹال لگانے کا تجربہ کامیاب رہا اصل مقصد پاکستانی کمیونٹی کو اپنی ثقافت کے بارے آگاہی دینا تھا،پیرس کائیٹ کلب کی ٹیم نے تعاون کرنے پر پاکستان فیسٹیول میلہ کی انتظامیہ کا شکریہ ادا کیا۔
