فرانس ( حمید چوہدری سے ) یوم دفاع پاکستان کی مناسبت سے ایک بڑا پروگرام گیارہ ستمبر کو پیرس کے نواحی علاقے ویلئر لابیل میں ہوگا۔ اس پروگرام کے مہمان خصوصی ڈپٹی اسپیکر قومی اسمبلی قاسم سوری اور قائم مقام سفیر پاکستان فرانس قاضی امجد عزیز ہوں گے۔ تحریک انصاف فرانس کے پلیٹ فارم سے ہونے والے اس پروگرام میں فرانس میں پاکستانی کمیونٹی کی تمام سیاسی ، سماجی و مذہبی تنظیموں کو دعوت دی جائیگی اور پاکستان کے پرچم تلے یہ کمیونٹی کا ایک مشترکہ پروگرام ہوگا۔ اس حوالے سے تحریک انصاف کی طرف سے کمیونٹی نمائندوں کو دعوت نامے ارسال کئے جارہے ہیں اور پروگرام کی تیاریاں بھی زور و شور سے جاری ہیں، قاسم سوری تحریک انصاف فرانس کے سینئر راہنما و سابق صدر میاں ذوالفقار جتالہ کے مہمان ہوں گے۔ تحریک انصاف فرانس کے سینئر راہنماؤں سابق صدر میاں ذوالفقار جتالہ ، سابق جنرل سیکریٹری چوہدری اعجاز جٹ ، ممبر یورپ احتساب و ڈسپلن کمیٹی چوہدری گلزار لنگڑیال ، سینئر راہنما چوہدری ابوبکر گوندل ، سینئر راہنما چوہدری اکرام رانجھا نے کہا کہ یوم دفاع کا پروگرام ایک یادگار پروگرام ہوگا جس میں پاک فوج کے شہداء کو خراج تحسین پیش کیا جائے گا۔
