لالہ موسیٰ (محمد کامران)ڈپٹی کمشنر سیف انور جپہ نے رات گئے کورونا ویکسینیشن سنٹر لوکل گورنمنٹ اکیڈمی لالہ موسیٰ کا اچانک دور ہ کیا،وہاں موجود شہریوں سے سہولیات بارے دریافت کیا،ڈپٹی کمشنر سیف انور جپہ نے بتایا کہ حکومت پنجاب کی ہدایات کے مطابق ضلع گجرات میں پانچ ویکسی نیشن مراکز کام کر رہے ہیں جبکہ مزید چار ویکسی نیشن مراکز کے قیام کیلئے انتظامات آخری مراحل میں ہیں۔ انہوں نے بتایا کہ ضلع میں کرونا سے بچاؤ کی ویکسین لگوانے کیلئے 71137افراد نے رجسٹریشن کروائی ہے، 42604افراد کو کورونا سے بچاؤ کی ویکسین لگا ئی جاچکی ہے ان میں سے 2628فرنٹ لائن ہیلتھ ورکرز اور 7782شہریوں کو دوسری ڈوز بھی لگا دی گئی ہے۔ ڈپٹی کمشنر سیف انور جپہ نے بتایا کہ چالیس سال اور اس زائد عمر کے شہریوں کی ویکسی نیشن شروع کر دی گئی ہے، شہری اپنا شناختی کارڈ نمبر 1166پر میسج کرکے اپنی رجسٹریشن کرائیں اور پیغام موصول ہونے پر متعلقہ سنٹر جاکر ویکسین لگوائیں۔ ڈپٹی کمشنر سیف انور جپہ نے بتایا کہ ضلع گجرات میں اس وقت ایکٹو کیسز کی تعداد ہے، گزشتہ 24گھنٹوں کے دوران کورونا وارڈ میں زیر علاج دو مشتبہ مریض جاں کی بازی ہار گئے جبکہ چھ کو صحت یاب ہونے پر ڈسچارج کیا گیا ہے، وارڈ میں 28کنفرم اور 33مشتبہ مریض زیر علاج ہیں۔
