سعودی عرب میں موجود مسلمانوں کی دو مقدس مساجد مسجد نبوی اور مسجد الحرام کے اُمور کی نگرانی کرنے والے ادارے رئاسةشؤون الحرمين کے ٹوئٹر اور انسٹاگرام اکاؤنٹس سے مقام ابراہیم کے اندر کی ایسی تصاویر شیئر کی گئی ہیں جنھیں جدید تکنیک سےعکس بند کیا گیا ہے۔
یاد رہے اس سے قبل خانہ کعبہ کے جنوب مشرقی حصے پر موجود مقدس پتھر حجراسود کی ایسی تصاویر پہلی مرتبہ منظر عام پر لائی گئیتھیں جو فوٹوگرافی کی جدید ترین تکنیک کے ذریعے بنائی گئی تھیں۔
مقام ابراہیم خانہ کعبہ کے مشرقی حصے پر وہ مقام ہے جہاں اللہ کے نبی، حضرت ابراہیم نے ایک پتھر پر کھڑے ہو کر مسلمانوںکے مقدس مقام خانہ کعبے کی تعمیر کی تھی اور اس پتھر پر ان کے قدموں کے نشانات موجود ہیں۔
