لالہ موسیٰ ( محمد کامران )انجمن بہبود ی مریضاں کیطرف سے عزیز بھٹی شہید ہسپتال میں کورونا وارڈ میں زیر علاج مریضوں کیلئے جدید ایکسرے اور ای سی جی مشین فراہم کر دی گئی ہے، ڈپٹی کمشنر سیف انور جپہ نے ڈی پی او عمر سلامت کے ہمراہ دونوں جدید طبی آلات ایم ایس ڈاکٹر عابد محمود غوری کے حوالے کئے، انجمن بہبودی مریضاں کے صدر میاں محمد اعجاز، جنرل سیکرٹری جاوید بٹ، امتیاز کوثر، خادم علی خادم بھی اس موقع پر موجود تھے۔ ڈپٹی کمشنر سیف انور جپہ نے انجمن بہبودی مریضاں کے عہدیداروں اور ممبران کی مستحق مریضوں کے علاج کیلئے خدمات کو زبردست سراہا اور امید ظاہر کی کہ مخیر حضرات کے تعاون سے آئندہ بھی یہ سلسلہ جاری رہے گا۔
