پاکستان میڈیا کونسل (پی ایم سی) نے ایک اہم انتظامی فیصلے کے تحت یورپ میں مقیم معروف کالم نگار، ریسرچ سکالر اور استحکام پاکستان اوورسیز فورم کے چیف ایڈوائزر، اظہر محمود اعوان کو اپنے انٹرنیشنل ونگ کا صدر مقرر کر دیا ہے۔
یہ تقرری پاکستان میڈیا کونسل کی طرف سے عالمی سطح پر پاکستانی صحافت کو فروغ دینے اور اوورسیز پاکستانیوں کے مسائل کو اجاگر کرنے کی کوششوں کے پیش نظر کی گئی ہے۔
اسلام آباد میں منعقدہ ایک تقریب کے دوران پی ایم سی کی قیادت نے اس فیصلے کا اعلان کیا۔ اس موقع پر پاکستان میڈیا کونسل کے عہدیداران نے اس بات پر زور دیا کہ اظہر محمود اعوان کا بین الاقوامی صحافت اور اوورسیز کمیونٹی کے معاملات میں تجربہ اس عہدے کے تقاضوں کو پورا کرے گا ۔
اس تقرری پر یورپ اور برطانیہ میں مقیم پاکستانی صحافیوں، کاروباری شخصیات اور اوورسیز پاکستانیوں نے اپنے اظہارِ خیال میں اس اقدام کو خوش آئند قرار دیا۔ انہوں نے اظہر محمود اعوان کی شخصیت کو اوورسیز پاکستانیوں کا ایک مضبوط ترجمان قرار دیا اور ان کی نئی ذمہ داریوں کے لیے نیک خواہشات کا اظہار کیا –
