برطانوی وزیراعظم سر کیئر سٹامر نے اعلان کیا ہے کہ وہ وزارتِ عظمیٰ اور ملک کی حکمراں جماعت لیبر پارٹی کی قیادت سے مستعفی ہو رہے ہیں۔
سر سٹامر کے مستعفی ہونے کا مطلب ہے کہ برطانیہ کو چار برس میں اب پانچواں نیا وزیرِاعظم ملے گا۔
پیر کو 10 ڈاؤننگ سٹریٹ کے باہر میڈیا کے سامنے اپنے استعفے کا اعلان کرتے ہوئے سر کیئر سٹامر نے کہا کہ ان کا ہر فیصلہ اپنے ملک کے لیے ہوتا ہے۔
مستعفی ہونے والے وزیراعظم نے کہا کہ ان کی جماعت یہ سوال پوچھ رہی ہے کہ کیا اگلے عام انتخابات میں قیادت کے لیے وہ بہترین انتخاب ہیں یا نہیں اورانھوں نے اس سوال پر اپنی پارٹی کا ’جواب سن لیا ہے‘ اور وہ ’اس جواب کو خوش دلی سے قبول کرتے ہیں۔‘
