جرمنی میں پاکستانی طالب علم جیل میں نہاتے ڈوب کر جاں بحق ہوگیا،یورپ کی شدید گرمی سے بچنے کی کوشش پاکستانی نوجوان کو موت کے منہ میں لے گئی، گوجرانوالہ سے تعلق رکھنے والا مومن عثمان مقامی یونیورسٹی میں زیرتعلیم تھا۔ مومن عثمان دوستوں کے ہمراہ جھیل میں نہانے گیا تھا،
افسوسناک واقعہ جرمنی کے شہر فرینکفرٹ پیش آیا جب مومن عثمان دوستوں کے ہمراہ جھیل پر نہانے گیا تھا۔
مومن دوست کے ہمراہ گرمی کی شدت کو دورکرنے کی غرض سے قریبی جھیل میں گیاتھا۔نہاتے ہوئے اچانک وہ اپنے دوسرے دوست کی نظروں سے اوجھل ہوا تو دوستوں کو تشویش ہوئی اور انہوں نے مومن کو ڈھوناشروع کردیا وہاں پر موقع پر موجود افراد نے بھی مومن عثمان کو تلاش کرنے کی کوشش کی لیکن وہ نہ مل سکا۔
بعدازاں پولیس کو اطلاع کی گئی جنہوں نے ریسکیو آپریشن شروع کیا غوطہ خوروں نے عثمان کی نعش کو جھیل سے نکال کر ہسپتال منتقل کیا۔
مومن عثمان کی اچانک موت نے ان کے خاندان اور پاکستانی برادری کو غم زدہ کر دیا، پاکستانی قونصل جنرل نے میت پاکستان بھجوانے کیلئے مقامی انتظامیہ سے رابطہ کرلیا ہے۔گوجرانوالہ سے تعلق رکھنے والامومن عثمان جرمنی میں ٹیکنیکل یونیورسٹی ڈارمشٹاڈ میں ماسٹرز کی ڈگڑی کیلئے پڑھائی کررہا تھا۔ پاکستانی قونصل جنرل شفاعت کلیم خٹک نے مقامی انتظامیہ سے رابطہ کرکے مطالبہ کیا کہ میت کو جلد از جلد ضابطے کی کارروائی مکمل کرکے پاکستان بھیجنے کا بندوبست کیا جائے۔
