نجکاری کے بعد بھی پی آئی اے کا رویہ نہ بدلا ،
پیرس سے اسلام آباد جانے والی پی آئی اے کی پرواز PK750 آج ڈیڑھ گھنٹے سے زائد تاخیر کا شکار ، جس کے باعث مسافروں کو شدید پریشانی کا سامنا کرنا پڑا۔
مسافروں کے مطابق جہاز روانگی کے لیے ٹیکسی شروع کر چکا تھا کہ اچانک اسے واپس لایا گیا۔ مسافروں میں یہ بات سامنے آئی کہ طیارے میں ایندھن بھرنے کا عمل مکمل نہیں ہوا تھا، جس کے بعد جہاز میں ہی بیٹھے مسافروں کے سامنے ایندھن بھرا گیا۔ تاہم اس دعوے کی پی آئی اے کی جانب سے تاحال باضابطہ تصدیق نہیں کی گئی۔
اسی دوران ایک دوسری پی آئی اے پرواز بھی تاخیر کا شکار رہی۔ مسافروں کا کہنا ہے کہ نجکاری کے باوجود اگر پی آئی اے کے بنیادی آپریشنل معاملات میں ایسی غفلت برقرار ہے تو پھر نجکاری کا فائدہ عام مسافر کو کب ملے گا؟
مسافروں نے پی آئی اے انتظامیہ سے آج کی تاخیر کی وجوہات پر واضح وضاحت کا مطالبہ کیا ہے۔
