فرانس میں پاکستانی سفیر ممتاز زہرہ بلوچ کی میئر عمر یعقوب سے ملاقات، پاک-فرانس تعلقات کے فروغ پر تبادلہ خیال
فرانس میں پاکستان کی سفیر ممتاز زہرہ بلوچ نے کرائی کی میونسپل کونسل میں کرائی کے میئر عمر یعقوب سے ملاقات کی۔
ملاقات کے دوران دونوں رہنماؤں نے پاکستان اور فرانس کے درمیان دوطرفہ تعلقات کو مزید مضبوط بنانے کے مختلف پہلوؤں پر تبادلہ خیال کیا۔ اس موقع پر بالخصوص عوامی روابط (People-to-People Contacts) کے فروغ اور دونوں ممالک کے درمیان دوستی، تعاون اور باہمی ہم آہنگی کو مستحکم کرنے میں فرانس میں مقیم پاکستانی برادری کے اہم کردار پر زور دیا گیا۔
سفیر پاکستان ممتاز زہرہ بلوچ نے اپنے اعزاز میں کرائی کی میونسپل کونسل کی جانب سے دی گئی استقبالیہ تقریب میں بھی شرکت کی۔ اس تقریب میں فرانس میں مقیم پاکستانی کمیونٹی کے ارکان نے بڑی تعداد میں شرکت کی۔
