فرانس میں پاکستان کی سفیرممتاز زہرا بلوچ کی جامعہ آکسفورڈ کے زیرِ اہتمام پالیسی مکالمے میں شرکت
فرانس میں پاکستان کی سفیرممتاز زہرا بلوچ کی جامعہ آکسفورڈ کے زیرِ اہتمام پالیسی مکالمے میں شرکت
فرانس میں پاکستان کی سفیر اور یونیسکو کے لیے مستقل مندوب ممتاز زہرا بلوچ نے جامعہ آکسفورڈ کے زیرِ اہتمام پالیسی مکالمے میں شرکت کی، جس کا موضوع “پالیسیوں کے ذریعے تعلیم کو سب کے لیے مساوی اور منصفانہ کیسے بنایا جا سکتا ہے؟تھا۔ فرانس میں پاکستا نے کے سفارت خانے سے جاری بیان کے مطابق پاکستان کی سفیرممتاز زہرا بلوچ نے تعلیمی پالیسیوں میں ہم آہنگی اور مؤثر رابطے کو مضبوط بنانے کے لیے پالیسی سازوں، علمی اداروں اور سول سوسائٹی کے درمیان مکالمے کی اہمیت کو اجاگر کیا۔ انہوں نے یونیسکو کے تعلیمی ایجنڈے کا خاکہ پیش کرتے ہوئے تعلیم تک رسائی کو فروغ دینے میں یونیسکو کے اہم کردار پر روشنی ڈالی، جو پالیسی رہنمائی، تکنیکی تعاون اور جامع تعلیمی نظاموں کی معاونت کے ذریعے انجام دیا جا رہا ہے۔
انہوں نے شرکاء کو تعلیم میں مساوات اور رسائی کے فروغ، نیز تعلیم کے لیے جدید مالی وسائل کی تلاش کے سلسلے میں یونیسکو کی کوششوں کے لیے پاکستان کی مستقل حمایت سے بھی آگاہ کیا۔
ممتاز زہرا بلوچ نے سکول سے باہر بچوں کے مسئلے کی جانب بھی توجہ دلائی اور شرکاء کو پاکستان کے “ایجوکیشن ایمرجنسی پلان” کے بارے میں بریفنگ دی، جس کا مقصد تعلیم تک رسائی کو بڑھانا، بنیادی تعلیم کو مضبوط بنانا، ڈیجیٹل شمولیت کو بہتر بنانا اور لڑکیوں کی تعلیم کو فروغ دینا ہے۔
