گجرات پولیس نے منشیات فروشوں کے خلاف کارروائی کرتے ہوئے ایک ملزم کو گرفتار کر کے اس کے قبضے سے ایک کلو سے زائد چرس برآمد کر لی۔
تفصیلات کے مطابق ڈسٹرکٹ پولیس آفیسر (ڈی پی او) گجرات رانا عمر فاروق کی ہدایت پر اور ڈی ایس پی سرائے عالمگیر سرکل ڈاکٹر ممتاز احمد میکن کی زیر نگرانی تھانہ صدر سرائے عالمگیر کے ایس ایچ او آفتاب رسول چوہان اور سب انسپکٹر عثمان بشیر نے پولیس ٹیم کے ہمراہ کارروائی کرتے ہوئے منشیات فروش اسرار احمد ولد محفوظ حسین قوم جٹ سکنہ پنڈی جٹاں کو گرفتار کر لیا۔
پولیس کے مطابق گرفتار ملزم کے قبضے سے 1140 گرام چرس برآمد ہوئی، جس کے بعد ملزم کے خلاف تھانہ صدر سرائے عالمگیر میں مقدمہ درج کر کے مزید تفتیش شروع کر دی گئی ہے۔
اس موقع پر ڈی پی او گجرات رانا عمر فاروق کا کہنا تھا کہ منشیات فروش معاشرے کا ناسور ہیں اور ایسے عناصر کے خلاف بلا امتیاز کارروائیاں جاری رکھی جائیں گی۔
