گجرات پولیس نے سرکل سرائے عالمگیر کے مختلف علاقوں میں منشیات فروشوں اور ناجائز اسلحہ برداروں کے خلاف مؤثر کارروائیاں کرتے ہوئے تین ملزمان کو گرفتار کر لیا۔ کارروائیوں کے دوران لاکھوں روپے مالیت کی ایک کلو سے زائد چرس، 10 لیٹر شراب اور ایک عدد 9 ایم ایم پستول برآمد کر لیا گیا۔
تفصیلات کے مطابق رانا عمر فاروق کی ہدایت اور ڈی ایس پی سرائے عالمگیر سرکل ڈاکٹر ممتاز احمد میکن کی زیر نگرانی، ایس ایچ او تھانہ سٹی سرائے عالمگیر راحیل عارف نے پولیس ٹیم کے ہمراہ مختلف مقامات پر چھاپے مارے۔ کارروائی کے دوران ملزم ثاقب علی سکنہ پرانی جہلم کو گرفتار کر کے اس کے قبضہ سے 1240 گرام چرس برآمد کی گئی، جبکہ دوسری کارروائی میں ملزم سید مومن سکنہ محلہ اسلام پورہ سرائے عالمگیر کے قبضہ سے 10 لیٹر شراب برآمد ہوئی۔
اسی طرح ایس ایچ او تھانہ صدر سرائے عالمگیر آفتاب رسول چوہان نے اپنی ٹیم کے ہمراہ کارروائی کرتے ہوئے ملزم توصیف ظفر سکنہ کھوہار کو گرفتار کر کے اس کے قبضہ سے 9 ایم ایم پستول برآمد کر لیا۔
پولیس نے گرفتار ملزمان کے خلاف الگ الگ مقدمات درج کر کے مزید تفتیش شروع کر دی ہے۔
ڈی پی او گجرات رانا عمر فاروق کا کہنا ہے کہ جرائم پیشہ عناصر کے خلاف بلا امتیاز کارروائیاں جاری رہیں گی اور امن و امان کے قیام کے لیے ہر ممکن اقدامات کیے جائیں گے۔
