اٹلی کے شہر Suzzara میں ایک 37 سالہ پاکستانی نژاد شخص کو بدھ کے روز شام تقریباً 5 بج کر 15 منٹ پر ویا مارزولے کےقریب ایک کھائی میں بے ہوشی کی حالت میں پایا گیا۔ راہگیروں نے فوری طور پر امدادی اداروں کو اطلاع دی، تاہم اسپتال منتقل کیےجانے کے بعد وہ جانبر نہ ہو سکا۔
اطلاعات کے مطابق ابھی تک یہ واضح نہیں ہو سکا کہ آیا شخص کو اچانک طبی دورہ پڑا اور وہ گر گیا، یا کسی گاڑی نے اسے ٹکرماری، یا پھر اس پر حملہ کیا گیا۔
ریسکیو کے لیے دو میڈیکل گاڑیاں اور Croce Rossa کی ایک ایمبولینس موقع پر پہنچی۔ متاثرہ شخص کو دل کا دورہ پڑ چکا تھا،جس کے بعد طبی عملے نے تقریباً ایک گھنٹے تک اسے ہوش میں لانے کی کوشش کی۔ بعد ازاں اسے انتہائی تشویشناک حالت میںOspedale Poma منتقل کیا گیا، مگر وہ جانبر نہ ہو سکا۔
ہوش کھونے سے پہلے اس شخص نے بتایا تھا کہ اسے اپنی ٹانگیں محسوس نہیں ہو رہی تھیں اور وہ اسی علاقے سے تقریباً 200 میٹر دور رہائش پذیر ہے۔
واقعے کی تفتیش کے لیے Polizia Locale di Suzzara موقع پر موجود ہے اور آس پاس نصب سی سی ٹی وی کیمروں کی جانچکی جا رہی ہے تاکہ اصل حقیقت معلوم ہو سکے۔
