سرائے عالمگیر کے علاقہ کھوہار کی پبی سے دو افراد کی نعشیں برآمد ہو گئی ہیں۔ فائرنگ کے نتیجے میں ہلاک ہونے والے نوجوانوں کی شناخت شاہزیب سلیم ولد محمد سلیم سکنہ کھوہار اور زین ولد صفدر سکنہ مہے خورد کے نام سے ہوئی ہے۔
اطلاع کے مطابق مقتول زین کے اغواء کا مقدمہ پہلے ہی تھانہ سٹی سرائے عالمگیر میں درج تھا۔
واقعہ کی اطلاع ملنے پر پولیس کی سینیئر کمانڈ بھاری نفری کے ہمراہ جائے وقوعہ پر پہنچ گئی۔ پنجاب فرانزک سائنس ایجنسی کی ٹیم کرائم سین سے شواہد اکھٹے کرنے میں مصروف ہے۔
مقامی پولیس نے نعشیں پوسٹ مارٹم کے لیے تحویل میں لے لیں اور ورثاء سے درخواست لے کر قانونی کارروائی کا آغاز کر دیا ہے۔
ڈی پی او گجرات رانا عمر فاروق نے واقعہ کا نوٹس لیتے ہوئے ملزمان کو گرفتار کرنے کے لیے خصوصی پولیس ٹیمیں تشکیل دے دی ہیں۔ انہوں نے کہا کہ پولیس جلد ملزمان کو ٹریس کر کے قانون کے کٹہرے میں لائے گی۔
مزید تحقیقات میں معلوم ہوا ہے کہ مقتول شاہزیب سلیم مختلف مقدمات میں ملوث تھا جن میں اقدام قتل اور اسلحہ ناجائز کے کیسز شامل ہیں
