یونیسکو کے ڈائریکٹر جنرل ڈاکٹر خالد العنانی نے ٹیکسلا میں عالمی ثقافتی ورثہ کی سائٹ کا دورہ کیا ، وزیر اعظم کے معاون خصوصی اور یونیسکو کے ایگزیکٹو بورڈ میں پاکستان کے نمائندے ڈاکٹر سید توقیر حسین شاہ نے ان کا استقبال کیا۔
دورہ کے دوران ڈی جی یونیسکو ڈاکٹرخالد العنانی کو ٹیکسلا میوزیم، ٹیکسلا کی تاریخی میراث اور جاری کھدائی اور تحفظ کی کوششوں کے بارے میں بریفنگ دی گئی۔ڈی جی یونیسکو ڈاکٹر خالد العنانی نے ٹیکسلا میں بیر ماؤنڈ اور سرکپ کے آثار قدیمہ کے مقامات کا دورہ کرایا،
کھدائی کے کام کا مشاہدہ کیا اور ماہرین آثار قدیمہ کی ہیریٹیج ریسرچ کیلئے لگن کو سراہا۔ انہوں نے آثار قدیمہ اور ورثے کے تحفظ میں سائوتھ۔سائوتھ تعاون اور علمی اشتراک کار کی ضرورت پر زور دیا۔
