پنجاب اور خیبر پختونخوا میں قومی اسمبلی کی 6اور صوبائی اسمبلی کی 7نشستوں ہونے والے ضمنی انتخابات میں مسلم لیگ ن نے میدان م مارلیا پی ٹی آئی کی چھوڑی ہوئی تمام سیٹوں پر مسلم ن نے کلین سویپ کر لیا سب سے زبدست مقابلہ این اے18ہری پور کے حلقے میں ہوا جیہ سیٹ اپوزیشن لیڈر عمر ایوب کی نااہلی کے باعث خالی ہوئی تھی اور اس نشست پر عمر ایوب کی اہلیہ شہر ناز عمر ایوب اور مسلم لیگ ن کے بابر نواز خان کے درمیان مقابلہ ہوا اس سیٹ پر رات گئے تھک مسلم لیگ ن کے امیدوار کو بھاری برتری حاصل تھی بابر نواز خان ایک لاکھ22ہزار 281ووٹوں کے ساتھ پہلے اور شہرناز 87388ووٹوں کیساتھ دوسرے نمبر پر تھیں قومی اسمبلی کے حلقہ این اے129 لاہور کے تمام 334 پولنگ اسٹیشنز کے غیرحتمی غیر سرکاری نتیجے کے مطابق مسلم لیگ ن کے حافظ میاں محمد نعمان نے میدان مار لیا۔غیرحتمی غیر سرکاری نتیجے کے مطابق حافظ میاں محمد نعمان 63441 ووٹ لے کر کامیاب ہوئے۔ پی ٹی آئی کے حمایت یافتہ آزاد امیدوار ارسلان احمد 29099 ووٹ لیکر دوسرے نمبر پر رہے۔ یہ سیٹ میاں اظہر کے انتقال کے باعث خالی ہوئی تھی قومی اسمبلی کے حلقہ این اے 143 ساہیوال 3 سے مسلم لیگ ن کے محمد طفیل 136223 ووٹ لے کر کامیاب ہوگئے۔ آزاد امیدوار ضرار اکبر چوہدری 13220 ووٹ لیکر دوسرے نمبر پر رہے۔حلقہ این اے 185 ڈیرہ غازی خان 2 کے تمام 226 پولنگ اسٹیشنزکے غیر حتمی و غیر سرکاری نتائج کے مطابق مسلم لیگ(ن) کے محمود قادر خان 82413 ووٹ لیکر کامیاب ہوگئے۔پیپلز پارٹی کے دوست محمد کھوسہ 49262 ووٹ لیکر دوسرے نمبر پر رہے۔حلقہ این اے 96 فیصل آباد 2 کے 345 پولنگ اسٹیشنز کے غیر حتمی غیر سرکاری نتائج کے مطابق مسلم لیگگ(ن) کے محمد بلال بدر کامیاب ہو گئے جبکہ آزاد امیدوار نواب شیر وسیر 26483 ووٹ لیکر دوسرے نمبر پر ہیں۔حلقہ این اے 104 فیصل آباد 10 کے 375 پولنگ اسٹیشنز میں سے177 کے غیر حتمی غیر سرکاری نتائج کے تحت مسلم لیگ(ن) کے دانیال احمد کامیاب۔ آزاد امیدوار رانا عدنان جاوید 8861 ووٹ لیکر دوسرے نمبر پر ہیں۔پنجاب اسمبلی کے حلقہ پی پی 203 ساہیوال 6 کے تمام 185 پولنگ اسٹیشنز کے غیر حتمی اور غیر سرکاری نتائج کے مطابق مسلم لیگ ن کے محمد حنیف 46900 ووٹ لے کر کامیاب ہوگئے جب کہ آزاد امیدوار فلک شیر 10895 ووٹ لیکر دوسرے نمبر پر رہے۔پنجاب اسمبلی کے حلقہ پی پی 73 سرگودھا میں غیر حتمی غیر سرکاری نتائج کے تحت مسلم لیگ(ن) کے میاں سلطان علی رانجھا کامیاب ہو گئیآزاد امیدوار محمد حارث 5596 ووٹ لیکر دوسرے نمبر پر ہیں۔پنجاب اسمبلی کے حلقہ پی پی 87 میانوالی 3 کے 193 پولنگ اسٹیشنز میں سے 125 کے غیر حتمی غیر سرکاری نتائج کے مطابق مسلم لگ(ن) کے علی حیدر نور خان نیازی 56170 ووٹ لے کر پہلے نمبر پر ہیں جب کہ آزاد امیدوار محمد ایاز خان نیازی 3310 ووٹ لیکر دوسرے نمبر پر ہیں۔پنجاب اسمبلی کے حلقہ پی پی 98 فیصل آبا کے نتائج کے مطابق ن لیگ کے آزاد علی تبسم 32491 ووٹ لے کر پہلے نمبر پر ہیں جبکہ آزاد امیدوار محمد اجمل 21485 ووٹ لیکر دوسرے نمبر پر ہیں۔پنجاب اسمبلی کے حلقہ پی پی 115 فیصل آباد 18 کے 159 پولنگ اسٹیشنز میں سے 147 کے غیر حتمی غیر سرکاری نتائج کے مطابق ن لیگ کے محمد طاہر پرویز 35620 ووٹ لے کر آگے ہیں جبکہ آزاد امیدوار محمد اصغر 1713 ووٹ لیکر دوسرے نمبر پر ہیں۔پنجاب اسمبلی کے حلقہ پی پی 116 فیصل آباد 19 کے 190 پولنگ اسٹیشنز میں سے 175کے غیر حتمی غیر سرکاری نتائج کے مطابق مسلم لیگ (ن) کے احمد شہریار 45674 ووٹ لے کر کامیاب ہو گئے۔ پنجاب اسمبلی کے حلقہ پی پی 269 مظفر گڑھ 2 کے 156 پولنگ اسٹیشنز میں سے 102 کے غیر حتمی و غیر سرکاری نتائج کے مطابق پیپلز پارٹی کے علمدار عباس قریشی 42091 ووٹ لے کر پہلے نمبر پر ہیں جبکہ آزاد امیدوار محمد اقبال خان پتافی 30370 ووٹ لیکر دوسرے نمبر پر ہیں، ضمنی الیکشن میں بھاری کامیابی پر مسلم لیگ کارکنوں جشن منیا کارکن سڑگوں نکل آئے مٹھائیاں تقسیم کیں اور ڈھول کی تھاپ پر بھنگڑے ڈالیقبل ازیں پولنگ صبح 8 بجے سے شام 5 بجے تک جاری رہی۔ اس دوران ووٹرز اپنے پسندیدہ امیدوار کے حق میں مہر ثبت کریں گے۔انتظامیہ کے مطابق مجموعی طور پر 2 ہزار 792 پولنگ اسٹیشن قائم کیے گئے، جن میں 408 کو انتہائی حساس اور 1,032 کو حساس قرار دیا گیا تھا، جبکہ امن و امان برقرار رکھنے کے لیے 20 ہزار سے زائد سیکیورٹی اہلکار تعینات کیے گئیچیف الیکشن کمشنر سکندر سلطان راجہ نے کہا ہے کہ ضمنی الیکشن پرامن رہا، ٹرن آؤٹ کم کی کئی وجوہات ہیں۔وفاقی دارالحکومت میں الیکشن کمیشن میں میڈیا سے گفتگو کرتے ہوئے سکندر سلطان راجہ کا کہنا تھا کہ پنجاب اور خیبرپختونخوا کی حکومتوں کا شکرگزار ہوں۔اْنہوں نے کہا کہ آج کا ضمنی انتخاب بہت پرامن رہا،ضمنی انتخابات میں ہمیشہ ٹرن آؤٹ کم رہتا ہے، کم ٹرن آؤٹ کی بہت سی وجوہات ہوتی ہیں۔چیف الیکشن کمشنر کا کہنا تھا کہ اس انتخاب میں نمبر گیم کی تبدیلی نہیں ہونی تھی جس کی وجہ سے عوام کی دلچپسپی کم رہی۔سکندر سلطان راجہ کا کہنا تھا کہ ڈی آراوز نے کچھ رپورٹس بھیجی ہیں،کچھ شکایات کا کمیشن نے خود نوٹس لیا، آج کے ضمنی انتخاب میں کوئی غیر معمولی شکایات موصول نہیں ہوئی، طلال چودھری کو کل طلب کیا،سماعت ہوگی۔اْنہوں نے کہ لوکل گورنمنٹ انتخابات میں ضابطہ اخلاق کی خلاف ورزی پر ایک وزیر اور امیدوار کو نااہل کیا تھا، ہر چیز کی ایک لیگل سکیم ہے،دنیا بھر میں انتخابات میں خلاف ورزیاں ہوتیں ہیں۔چیف الیکشن کمشنر کا مزید کہنا تھا کہ کمیشن وقتاً فوقتاً اپنی تجاویز حکومت کو بھیجتا رہتا ہے، کمیشن کے پاس ٹربیونل کو ہدایات دینے کا کوئی اختیار نہیں۔وزیر اعظم محمد شہباز شریف نے این اے143چیچہ وطنی کے ضمنی انتخابات میں مسلم لیگ (ن) کے امیدوار محمد طفیل جٹ کو شاندار کامیابی پر مبارکباد دیتے ہوئے کہاہے کہ ضمنی انتخابات میں کامیابی، قائد میاں محمد نواز شریف کے ویژن اور ان کی بے مثال قیادت اور پارٹی کارکنان کی محنت کو جاتا ہے۔اپنے بیان میں وزیر اعظم شہباز شریف نے کہا کہ ضمنی انتخابات میں کامیابی وزیرِ اعلی پنجاب مریم نواز کی صوبے کی عوام کی ترقی کیلئے شبانہ روز محنت پر عوام کے اعتماد کی عکاسی ہے،بلا شبہ این اے143میں فتح سے عوام نے مسلم لیگ (ن)کے عوامی خدمت کے جذبے پر اعتماد کا اظہار کیاہے،الیکشن میں جیت حکومتی کارکردگی پر عوام کے اظہار کا مظہر ہے، محمد طفیل جٹ اپنے حلقے کی امنگوں کی ترجمانی کرتے ہوئے عوامی خدمت میں شب و روز محنت کریں گے۔
