پیرس ائیرپورٹ پر سردار ظہور اقبال چئیرمین پاکستان بزنس فورم یورپ اور حاجی محمد اسلم چوہدری بانی صدر پاکستان بزنس فورم کا فقیدالمثال استقبال
چیئرمین پاکستان بزنس فورم یورپ سردار ظہور اقبال کو ان کے بیٹے سردار عاقل اقبال کی شاندار ، خوبصورت، اِنتہائی منظم، علاقائی ثقافت ، روایات سے بھرپور دس روز تک جاری رہنے والی ضلع اٹک کی تاریخی اور یادگار شادی کی تقریبات سے فراغت کے بعد پیرس واپس پہنچنے پر بزنس فورم کے عہدیداران ، کمیونٹی نمائیندوں اور دوست احباب نے پیرس ائرپورٹ پر خوش آمدید کہا ، سردار ظہور اقبال اور حاجی ممحمد اسلم چوہدری کا استقبال پھولوں کے گلدستوں سے کیا گیا ، احباب نے سردار ظہور اقبال کو مبارکباد پیش کی اور کہا کہ آج تک ایسی خوبصورت اور منفرد شادی کبھی نہیں دیکھی ،
پوری دنیا سے اوورسیز پاکستانیوں نے اس شادی میں بھرپور شرکت کی ، پاکستان سے اعلٰی حکومتی عہدیداران ،وزراء ، سول اور فوجی افسران نے بھرپور شرکت کی ، دس دن تک جاری رہنے والی اس منفرد شادی میں روحانی محافل ، نیزہ بازی ، علاقائی رقص ، لڈی جیسے ثقافتی پروگرام ، نوجوانوں کے لئے عارف لوہار کا پرجوش پروگرام ، قوالی نائٹ ، آتش بازی جیسی تقریبات کا انعقاد کیا گیا، کئی کلومیٹر کے علاقے میں لائٹنگ کے انتظامات نے رات کو بھی دن کا سماں پیدا کیا ، علاقے کے لوگوں کے لئے شادی کی اس تقریب نے کسی عید یا میلے جیسا ماحول مہیا کیا ،
پاکستان بزنس فورم کے بانی صدر حاجی محمد اسلم چوہدری اور میڈیا کوآرڈینیٹر بزنس فورم ، سینئیر صحافی خرم شہزاد وزیرآبادی بھی سردار ظہور کے ہمراہ واپس فرانس پہنچے ، ائرپورٹ پر چیف کوآرڈینیٹر پاکستان بزنس فورم یورپ صاحبزادہ عتیق الرحمن ، نائب صدر عصمتُ اللہ تارڑ، چیف آرگنائزر چوہدری سلمان اسلم دوستوں اور فیملی احباب نے ان کا گرمجوش استقبال کیا اور پھولوں کے گلدستوں سے خوش آمدید کہا ۔
اسی فلائٹ میں حاجی محمد اسلم چوہدری کے برادر صوفی افتخار عرف صوفی منیر احمد، چوہدری قمرزمان ، کاشف شاہ اور دیگر کو بھی ویلکم کیاگیا ۔
