یونان میں ٹریفک حادثے میں 2پاکستانی جاں بحق اور 3شدید زخمی ہوگئے۔ یونانی پولیس کے مطابق حادثہ سڑک پر پھسلن کے باعث پیش آیا، کار میں سوار 5پاکستانی انافیتا سے ایتھنز جا رہے تھے۔ حادثے کا شکار ہونیوالوں کا تعلق مختلف پاکستان کے مختلف شہروں سے بتایا جا رہا ہے۔جاں بحق ہونیوالوں کی شناخت مبشر خان(قصور) اور شعیب اللہ (سیالکوٹ) کے طور پر ہوئی۔ زخمیوں میں محمد اشفاق، محمد ارسلان اور سعد علی شامل ہیں،
جنہیں تشویشناک حالت میں ہسپتال داخل کیا گیا۔متاثرین میں سے دو کا تعلق سیالکوٹ، دو کا قصور، جبکہ ایک شخص کا تعلق گجرات سے ہے۔ ٹریفک پولیس نے حادثے کی تحقیقات کا آغاز کر دیا تاکہ حادثے کی اصل وجوہات معلوم کی جا سکیں۔
