فرانس کے دارلحکومت پیرس میں ٹیکس ورلڈ 2025 کی تین روزہ بین الاقوامی نمائش کا آغاز ہوگیا ہے
فرانس میں پاکستان کی سفیر ممتاز زہرہ بلوچ نے پیرس میں 15 سے 17 ستمبر 2025 تک منعقد ہونے والی نمائش میں پاکستان پویلین کا افتتاح کیا۔
فرانس کے دارلحکومت پیرس میں ٹیکس ورلڈ 2025 کی تین روزہ بین الاقوامی نمائش کا آغاز
پیرس میں ہونیوالی اس نمائش میں پاکستان کی 23 کمپنیاں شریک ہیں جو ٹیکسٹائل کے شعبے میں جدت اور پائیداری کے نئے تصورات پیش کر رہی ہیں۔اس موقع پر پاکستانی سفیر ممتاز زہرہ بلوچ کا استقبال میس فرینکفرٹ کے صدر مسٹر فریڈریک بوگیارڈ اور شو ڈائریکٹر نکولس گوگین ہائم نے کیا۔
ممتاز زہرہ بلوچ نے پاکستانی نمائش کنندگان سے ملاقات کی اور فرانس میں پاکستان کی ٹیکسٹائل برآمدات کے فروغ اور دونوں ممالک کے درمیان تجارتی تعلقات کو مزید مستحکم بنانے میں ان کے فعال کردار کو سراہا۔
