اسرائیل نے خلیجی ملک قطر پر حملہ کردیا۔ اوپن سورس انٹیلی جنس ذرائع کے مطابق قطر کے دارالحکومت دوحہ میں چھ دھماکے سنے گئے ہیں ۔ بعض ذرائع کے مطابق دھماکوں کی تعداد 12 ہے۔ اس کارروائی میں اسرائیل نے مبینہ طور پر حماس کی قیادت کو نشانہ بنایا ہے۔ واضح رہے کہ دوحہ میں حماس کا سیاسی دفتر موجود ہے۔ یہ واضح نہیں ہے کہ اس حملے میں کتنی ہلاکتیں ہوئی ہیں ۔ یہ پہلا موقع نہیں کہ جب اسرائیل نے کسی دوسرے ملک کی سرزمین پر حماس کو نشانہ بنایا ہو۔ اس سے پہلے ایران میں حماس کے سیاسی ونگ کے سربراہ اسماعیل ہنیہ کو نشانہ بنایا گیا تھا۔
یہ پہلا موقع ہے کہ اسرائیل کی جانب سے کسی ترقی یافتہ خلیجی ملک پر براہ راست حملہ کیا گیا ہو
