نجی ایئرلائن نے غفلت کا مظاہرہ کرتے ہوئے لاہور سے کراچی جانے والے مسافر کو جدہ پہنچا دیا۔
پاکستان ایئرپورٹ اتھارٹی نے کراچی جانے والے مسافر کے جدہ پہنچنے کا نوٹس لے لیا، لاہور ایئرپورٹ منیجر نے نجی ایئرلائن کو واقعے کا ذمہ دار ٹھہرایا ہے۔
ایئرپورٹ منیجر کا کہنا ہے کہ کراچی کے مسافر کا جدہ پہنچ جانا مذکورہ ایئرلائن کی غفلت اور لاپرواہی ہے اتھارٹی کو نجی ایئرلائن کے خلاف کارروائی کی درخواست کردی ہے۔
متاثرہ مسافر نے کہا کہ ڈومیسٹک ایئرلائن کی جگہ دو طیارے لگے ہوئے تھے، طیارے میں سوار ہونے کے بعد ایئرہوسٹس کو ٹکٹ بھی دکھائی تھی، ایئرہوسٹس کا فرض تھا کہ وہ بتائیں غلط طیارے میں آگیا ہوں، میرے پاس پاسپورٹ اور ویزا بھی نہیں تھا۔
مسافر کے مطابق دو گھنٹے بعد میں نے کہا کہ فلائٹ اب تک کراچی کیوں نہیں پہنچی، میری بات سن کر پورا عملہ پریشان ہوگیا اور کہا کہ آپ کی غلطی ہے، عملے کو شکایت کی کہ تو مجھے ہی غلطی کا ذمہ دار ٹھہرا دیا گیا۔
مسافر کا کہنا ہے کہ میں نے کہا کراچی پہنچائیں تو کہا دو تین دن لگیں گے، مجھے کہا گیا کہ ایف آئی اے انکوائری کرے گی تو میں نے اس میں بھی تعاون کیا ہے۔
