دبئی دنیا بھر میں ہوٹل اکاموڈیشن سرچ کے حوالے سے 2025 کی پہلی سہ ماہی کے دوران سرفہرست رہا ہے۔
الامارات الیوم نے ’گوگل ٹریول ٹرینڈز‘ کے حوالے سے بتایا دبئی رواں سال کی پہلی سہ ماہی میں ہوٹلوں میں قیام کے لیے دنیا میں سب سے زیادہ مطلوب منزل کے طور پر پہلے نمبر پر رہا۔
اعدادوشمار کے مطابق دبئی نے ہوٹل اکاموڈیشن سرچ انڈیکس میں لندن، پیرس، نیویارک، ٹوکیو، بینکاک اور بارسلونا جیسے دیگر بین الاقوامی مقامات کو پیچھے چھوڑ دیا اور انڈیکس میں 100 پوائنٹس ریکارڈ کرائے۔ ایئرلائن ڈیمانڈ انڈیکس میں دبئی عالمی سطح پر دوسرے نمبر پر ہے۔
اعدادوشمار سے پتہ چلتا ہے کہ دبئی اس سال مضبوط طلب کی شرح کو ریکارڈ کیا۔ پہلی سہ ماہی میں سیاحت اور سفر کی طلب کے مختلف اشاریوں میں پہلے اور دوسرے نمبر پر رہا ہے۔
اس سال دبئی، برطانوی وزیٹرز کےلیے ہوٹل قیام حوالے سے سب سے مقبول منزل رہا۔ اس کے بعد نیویارک اور پیرس رہے۔ اسی طرح انڈیا سے آنے والے سیاحوں میں بھی رہائش اور فلائٹ ڈیمانڈ کے حوالے سے بھی دبئی پہلے نمبر پر رہا۔
سیاحتی شعبے کی کارکردگی اور بین الاقوامی سیاحوں کی تعداد کے تازہ ترین اعدادوشمار سے پتہ چلتا ہے 2025 کے ابتدائی دو ماہ کے دوران 3.82 ملین غیرملکی سیاح دبئی آئے جبکہ 2024 کے اسی عرصے کے دوران سیاحوں کی تعداد 3.67 ملین تھی۔ اس سال کے ابتدائی 2 ماہ میں 4 فیصد اضافہ ہوا۔
اس سال کے ابتدائی دو ماہ کے دوران دبئی میں ہوٹل کمروں کی ریزرویشن کی شرح 87 فیصد تھی جو 2024 کے اسی عرصے کے حوالے سے برابر ہے۔
