شاہد بخشالوی اور امجد بخشالوی نے عامر عثمان عادل کی تحریک پر جشنِ گل بخشا لوی کے اہتما م اور رضا محی الدین (سکائی ویز گروپ) کے دست ِ مبارک سے دستار بندی کے اعزاز پر اظہار ِ تشکر کے لئے ضلعی گجرات کے نما ئندہ صحافیوں کے اعزاز میں تقریب اعتراف ، شرف ِ انسانیت کا اہتمام کیا اس تقریب میں وہ اخبار نویس دوست تشریف لائے تھے جنہوں نے سبحان الدین سے گل بخشالوی تک ادب و صحافت کے سفر میں نہ صرف رہنمائی کی بلکہ بھر پور ساتھ دیا یہ مشکل گھڑی میں دوستی کے امین دوست تھے اس تقریب کی انفرادیت یہ تھی کہ کسی بھی غیر صحافی دوست کو تقریب میں مدعو نہیں کیاگیا تھا!
ضلعی انفارمیشن آفیسر وقار نقوی کی زیرِ صدارت عامر عثمان عادل، راجہ ریاض احمد راسخ اور طارق عزیز مہمانان خاص تھے ایف ایم نائنٹی سیون ریڈیو کے اختر وزیر نے معزز مہمانوں کا پرتپاک استقبال کیا انہیں ہار پہنا ئے ۔ قلم قافلہ کے سالار گل بخشالوی اور اختر وزیر نے ، عامر عثمان عادل، راجہ ریاض احمد راسخ کو شان ِ عزیز ایوارڈ سے نوازا ، طارق عزیز کھاریاں میں موجود نہیں تھے اس لئے تشریف نہیں لائے تھے،ذکاءاللہ صدیق نے نظامت کے فرائض سرانجام د یئے
تقریب میں نئیر صدیقی اسلام آباد سے خصوصی طور پر شریک تھے پریس کلب گجرات کے صدر عبدالستار مرزا نائب صدر سید اظہر شاہ ۔ ، جنر ل سیکرٹری غلام رضا سید، سید نوید شاہ، جہلم سے شاویز جرال، سب ڈویژن کھاریاں سے عزیز الرحمان مجاہد،ڈاکٹر انصر فاروق مغل،ڈاکٹر محمد ارشد چوہدری، محمد فیاض انجم ، ثاقب شبیر ،چو ہدری فیصل گجر،حافظ محمد وقاص، پریس کلب کھاریاں کے صدر محمد زمان احسن، جنرل سیکرٹری چوہدری محمد انور چوہان، میاں محمد صفدر ، سید صباحت حسین رضوی جلوہ افروز تھے
تلاوت کلام پاک اور نعت رسول اللہ کے بعد ، گل بخشالوی ، محمد زمان احسن، راجہ ریاض احمد راسخ اور عامر عثمان عادل کے تقریب اعترا ف ، شرفِ انسانیت کے حوالے سے اظہار کے بعد صاحب صدر وقار نقوی نے تقریب کے منتظمین کا شکریہ ادا کرتے ہوئے کہا کہ مجھے خوشی ہے کہ آج اپنے قبیلے کے دوستوں کے درمیان بیٹھا ہوں یہ اپنی نوعیت کی پہلی تقریب ہے جس میں ہم سب کا تعلق اخبار سے ہے گل بخشالوی نے ضلع بھر کے نمائندہ قلم دوستوں کی مثالی تقریب میں ایک دوسرے سے شناسائی کا موقع دیا ۔
گل بخشالوی ادب دوست ہیں لیکن صحافت کے حوالے سے بھی ضلع گجرات میں اپنی پہچان رکھتے ہیں شاعر ہونے کے علاوہ معاشرتی زندگی کو قلم کی روشنائی میں بہت قریب سے دیکھتے ہیں ان کے قلمی، مذہبی، سیاسی اور صحافتی نظریات اپنی جگہ لیکن ان کی شاعری اور نثر میں پاکستان اور افواج ِ پاکستان سے محبت کہ جھلک نمایاں ہے گل بخشالوی کی شاعری اور نثر میں گذشتہ کل کی نسبت آج اور آنے والے کل کا آئینہ ان کی ایک منفرد پہچان ہے ضلعی انفارمیشن آ فیسر ہوں اس لئے ان کے کالم اور مضامین پڑھتا ہوں جن میں مجھے گز شتہ کل کی تاریخ نہیں آج اور آ نے والے کل کی سوچ اور احساس کی جھلک دکھائی دیتی ہے
صاحب صدر کے اظہار خیال کے ساتھ ٹی ڈی سی پی ریسٹورنٹ میں تقریب اختتام کو پہنچی حاضرین نے کھانا کھایا اور خوش گپیوں میں الوداع ہو گئے
