لالہ موسیٰ (محمدکامران)پولیس کے ساتھ ہرقسم کے حالات میں ڈیوٹی دینے والے قومی رضاکار اعزازیہ سے محروم،گھروں میں نوبت فاقوں تک آگئی،بتایاجاتاہے ملک میں امن وامان کے قیام کیلئے گرمی،سردی کے پرواہ نہ کرتے ہوئے ناکوں،جلسے،جلوسوں، دھرنوں،مجالس،تراویح،نمازجمعہ،عیدین کے مواقع پر پولیس کے شانہ نشانہ ڈیوٹی دینے والے قومی رضاکاروں کو پنجاب پولیس کی طرف سے جو قلیل اعزازیہ منظور ہے وہ بھی باقاعدگی سے ادانہیں کیاجاتا،اب صورتحال یہ ہوچکی ہے کہ جب سال،ڈیڑھ سال کااعزازیہ اکٹھا ہوجائے تو اس میں سے آدھایہ کچھ زیادہ اعزازیہ دے کر قومی رضاکاروں کے آنسو پونچھ دیے جاتے ہیں باقی پھر جمع ہی رہتاہے اب بھی قومی رضاکاروں کو اعزازیہ ملے مہینوں بیت چکے ہیں لیکن ان کو اعزازیہ ملنے کی کوئی امیدنظرنہیں آرہی،اب عیدالفطر سر پر ہے اور قومی رضاکارآئی جی پولیس پنجاب کی طرف دیکھ رہے ہیں،قومی رضاکاروں نے آئی جی پنجاب سے نوٹس لینے کامطالبہ کیاہے۔
